Daleel ka Daur دلیل کا دور

Daleel ka Daur دلیل کا دور

انسانی المیہ اور دلائل ربانی

’دلیل کا دور ‘ آپ کے ہاتھوں میںہے، یہ وہ دلیل کا دور (Age or Reason) نہیں جو ماڈرن ازم کی خاص اصطلاح ہے بلکہ وہ دلیل کا دور ہے جو قرآن کی شکل میں ہمارے پاس موجود ہے۔یہ چند ایک مماثلتوں کے باوجود چیزے دیگر است۔ دلائل کا یہ اسلوب صرف عقلوں کو ہی نہیں ہمارے جذبات و احساسات کی گہرائیوں تک جا کر چھُوتا، جھنجھوڑتا اور ابھارتا ہے۔ اگر نصیب اچھے ہوں تو یہ دلائل ہمیں زندگی کا وہ پہلو اختیار کرنے پر آمادہ کرتے ہیں۔ اقبال کے الفاظ میںیہ ہمیں جنتِ پنہاں اپنے زورِ بازو۔۔ زیادہ درست الفاظ میں اپنے خونِ جگر کے چراغ جلا کر حاصل کرنے کا راستہ بتاتے اور حوصلہ عطا کرتے ہیں۔ یہ دلائل اتنے واضح اور سہل ہیں کہ ذرا سے زاویئہ نگا ہ کی تبدیلی سے اس کا راستہ واضح، حصول ممکن، اور زندگی آسان ہو جاتی ہے۔
کوئی نقطہ نظر اگر کلاسیکل نقطہ نظرسے زیادہ ہمارے کردار سازی میں معاون و مددگار ثابت ہو سکےتواس کو اختیار کرنے میں خیر کا پہلو نمایاں ہے۔ کم از کم اس پر غور و فکر تو لازما ہونا چاہیے۔ یہی خواہش ’دلیل کا دور‘ کی وجہ تصنیف بنی۔