Ishq e Natamaam عشق ناتمام
ادھوری محبتوں کی داستان
محمد خان قلندر کی کہانیاں
محمد خان قلندر کی کہانیوں کے مجموعے کا عنواں یوں تو عشق نا تمام ہے لیکن یہ حقیقت اور مجاز سے کچھ الگ ایک تہذیبی عشق ہے جو روایات سے وابستہ ہے چنانچہ ان کی مختصر اور مختصر ترین کہانیاں زندگی کی کسی البم میں لگی تصویریں ہیں۔ ہر کہانی ایک مختلف وقت اور ماحول کا نیا منظر پیش کرتی ہے۔ کہیں آپ بیتی تو کہیں جگ بیتی۔ آغاز میں ہی الجبرا بھائی جان سے ذہن میں کوئی نقش ابھر آتا ہے۔ ۔ ہاں۔۔ یہ تو بالکل فلاں ہیں۔ ۔ ہیرا منڈی سےبلال گنج میں نواب کالا باغ کا وہ دور یاد آتا ہے جب لاہور کے تہذیبی مزاج کو پیچھے دھکیلنے کی کوشش کا انجام کہانی کے انجام میں سامنے آتا ہے۔
پھر جیسے ڈرون کیمرہ چکوال پر فوکس ہوگیا۔ میں بھی پوٹھوار کی ڈھوک، گھلوٹے، کسی، لانگڑ، جندر والے کلچر ہی کا پروردہ ہوں مگر مین نے شیزان اور سلور گرل یا مال روڈ کے حوالوں والی تہذیب کامزا بھی لیا۔ ان تمام چشم دید یا سرگزشتی افسانوں میں اگر سیکس کیموفلاج محسوس ہوتی ہے تو وہ بھی مشاہدے کی شدت اور فوکس کا کمال ہے۔ شہوت کی ہلکی آنچ جلتی رہے تو ٹھنڈے دودھ میں بھی ابال آجاتا ہے۔
دوسری جگہ جنسی عضلات کو فعال کرنے کے دو طریقے مقامی “لوک طب” کا اندازتھے۔ غیر مرد سے مباشرت یا ایک خاص دوائی والا حلوہ۔ میں اس خطے کی کلچرل زندگی سے واقف ضرور ہوں مگر افسانہ نگار کی طرح دیہی فکر کی تہہ تک انہی مختصر کہانیوں کی وساطت سے پہنچا۔
احمد اقبال – سینئر کہانی کار، ادیب، دانشور
Reviews
There are no reviews yet.