Dasht-e-Tanhai دشت تنہائی – علی شریعتی

Editorial Review

Dasht-e-Tanhai دشت تنہائی - علی شریعتی

ڈاکٹر علی شریعتی کی کتاب ’’کویر‘‘ (دشت/صحرا) ان کے باطنی احساسات اور وجودیاتی سفر کا ایک گراں قدر ادبی شاہکار ہے۔ شریعتی نے اپنی تحریروں کو تین حصوں یعنی اسلامیات، اجتماعیات اور کویریات میں تقسیم کیا ہے۔ وہ خود کہتے تھے کہ اسلامیات ان کا فرض اور اجتماعیات ان کی ضرورت تھی، لیکن کویریات یعنی ’’کویر‘‘ ان کے دل کی آواز اور سچی محبت تھی۔

اس کتاب میں دشت کویر محض مٹی کا ڈھیر نہیں بلکہ انسان کی کائناتی تنہائی کا ایک گہرا استعارہ ہے۔ شریعتی مادی شہروں کی بناوٹ سے دور ہو کر صحرا کے سناٹے میں سکون اور حقیقت تلاش کرتے ہیں۔وہ انسان کے وجود، اس کی بے چینی اور خدا کے ساتھ اس کے گہرے روحانی تعلق پربات کرتے ہیں۔اس کی زبان نہایت خوبصورت، شاعرانہ اور دل کو چھو لینے والی ہے۔ شریعتی نے روایتی علمی بحثوں سے ہٹ کر اپنی زندگی کے سوالوں، تمناؤں اور باطنی کشمکش کا کھل کر اعتراف کیا ہے۔’’دشت تنہائی‘‘ شریعتی کو ایک انقلابی لیڈرسے زیادہ ایک حساس فلسفی اور ادیب کے روپ میں سامنے لاتی ہے۔ ناصر فاروق